成龍責祖名染惡習Naive

房祖名於北京因涉毒被拘留接近三個月，事發初期成龍為救愛兒，忙於奔波了解事件，惟最終仍未能成功與祖名見面，成龍只好無奈地「忘卻傷痛」，重返生活正軌，繼續在大陸埋首拍新片。

唔知兒子有惡習

昨晚成龍忽然現身九龍城開夜班，偕同范冰冰、古巨基拍攝荷里活製作新片《絕地逃亡》，由於現場有攝製隊，還大陣仗的出動吊雞車，兼有大隊工作人員，故引來不少途人圍觀，場面相當熱鬧。

現場所見，精神飽滿的成龍心情不錯，身型更明顯較之前胖了一點。昨晚的場口交代成龍潦倒街頭，更被基仔所駕辣跑濺起的污水搞到周身濕。試戲時成龍不停與工作人員溝通，又教基仔如何駕車走位。

面對記者追訪，成龍表現從容不迫，《東網》記者問及祖名的涉毒事件時，成龍開腔回應謂：「真係冇見過佢。（幾時開審？）呢個都唔知，亦唔到我理……佢咁大個人。（知唔知祖名有惡習？）唔知，佢媽咪（林鳳嬌）都唔知，知道我實打死佢！佢唔係毒君子，只係貪玩，naive（天真）！佢以為冇事，點知出咗事囉。」

林鳳嬌唔想見人

成龍不諱言以往為了投入拍戲，與祖名聚少離多，他深信兒子今次被捕，對兒子反而會起到積極作用。問到日後見到祖名，第一句說話會是甚麼？成龍嘆氣說：「唔使講乜。（被拘留）咁仲好，我相信會有一個全新嘅祖名返番出嚟，係好事嚟，佢會長大，初頭見唔到佢我係有啲唔習慣。（傳言話祖名主演嘅電影，全部要cut晒佢啲戲份喎）唔好信網絡寫嘅嘢，太多謠言。（你心情點？）OK，做好自己嘢先。」談到太太林鳳嬌目前的心情，成龍再度嘆氣說：「我都係啱啱返到香港……（話佢經常以淚洗面喎）佢唔係好想見人，但點都要接受架啦。」

談到今次《絕》片來港取景，全靠成龍拉攏，成龍說：「我同工作人員講，話香港政府好支持電影業，叫佢哋一定要嚟，遲啲我哋都會去埋澳門。」成龍為了該部電影，更碌盡人情咭，昨晚更獲友人借出價值約400萬的名車當道具。