驚爆！祖藍直播求婚　李亞男含淚答允

今年台慶真係夠晒爆！正當大家期待周杰倫今晚會在首場亞博演唱會向昆凌求婚時，王祖藍竟然出招「截糊」，在台慶節目中當住全港觀眾向女友李亞男下跪求婚。

祖藍於兄弟張繼聰、林盛斌陪同下，及蔣志光高唱《愛是永恒》的浪漫環境下，突然拿着一大束玫塊花，向女友下跪求婚，祖藍笑指自己是一個複雜的人，又大讚女友很單純：「你同我係唔同嘅人，初初我只係一個兒童節目主持，你係港姐，我好矮、妳好高......我未試過好似今日講嘢咁窒，無論之後有幾困難，娶到你我一生都會幸福。」說畢，祖藍即從口袋掏出一個戒指盒，打開大晒裏面至少三卡的鑽戒。至於李亞男在祖藍發表愛的宣言期間，一直強忍感動之淚，嘴唇不時顫抖，場面感人。

而當祖藍掏出鑽戒時，李亞男竟即時除下手上的戒指有所準備，遭祖藍取笑謂：「你要答我願唔願意先，唔需要急到即刻除戒指。」最後李亞男在林盛斌主持下，才表態表示願意嫁給祖藍，而祖藍媽咪及李亞男父母，亦在曾志偉帶領下現身，掀起全晚高潮。