苟姑娘做姊妹　香香君馨讚甜蜜驚喜

王祖藍與李亞男於台慶直播求婚成為全城熱話，亞男一班好姊妹感動非常，包括苟芸慧（苟姑娘）、岑麗香（香香）、王君馨等，當中苟姑娘透露於下午化妝時獲祖藍知會，並着她保守秘密，問到見證求婚過程可有感動到喊？苟姑娘坦言感動非常，她謂：「仲要知道祖藍寫首歌畀亞男，內容係講佢哋之間嘅過程，我明白佢哋經歷好多嘢，又畀家人認同真係好開心（到時會做埋姊妹？）yeah!!」

而香香則透露綵排時與亞男閒談，言談間甚為擔心祖藍的表演存在危險性，更謂：「祖藍晏晝同我講今日（昨日）求婚，我即刻好興奮，但又唔可以話比任何人聽，所以望住亞男都要忍住，但見到佢哋咁真係好浪漫同sweet!」

至於王君馨亦坦言求婚過程深受感動，她謂：「當日去挪亞方舟傳福音，我同亞男住同一間房，有日我問佢係咪有男友，佢話係，仲叫我估邊個，結果我估中，5年來佢哋經歷好多風雨，我未見過祖藍咁緊張，喺台慶Live Show求婚，覺得好Amazing!」