祖藍求婚成功　曾志偉感動到似娶新抱

王祖藍在無綫《萬千星輝賀台慶》中向女友李亞男求婚成功，幕後最大功臣原來是「獎門人」曾志偉，志偉受訪時表示為了祖藍求婚大計度橋度通宵，感動得像娶新抱，他說：「佢決定咗娶亞男，諗緊點樣宣布，我就話不如大件事啲，就喺台慶啦，佢話得唔得架？我話同佢搞啦，真係度咗個通宵架。」志偉又指該魔術機器更專程由北京運返港，魔術表演進行時更故作發生意外，為亞男製造由驚變喜。

志偉表示事前保密功夫做得好辛苦，眾人也是傍晚才知曉，志偉見證祖藍求婚也深受感動，他說：「喺後面睇電視已經喊啦，好似娶新袍咁。（覺唔覺騎劫咗台慶﹖）有咁話題性就最好啦，阿姐、嘟姐都喊晒，簡直係水淹一廠，做節目最開心係將最真嘅一面帶畀觀眾，真係好感動，呢啲係城中盛事，依家香港需要多啲喜事沖喜。」