Jessica C.坦承同安志杰過夜好浪漫

名模Jessica C.與安志杰撻着，蜜運中的JC春風滿面，大讚安志杰係smart guy，說：「我鐘意佢唔介意我外表同打扮，同佢一齊好開心，係好神奇嘅事，我哋係好好嘅朋友，依家都係約會吓、睇吓戲。我從來未試過拍拖兩個人都喺同一個地方，以前異地戀多，兩個人分隔兩地拍拖好大壓力，要了解好深先得，依家係新一頁開始。」

問到安志杰有何吸引之處？JC說：「我哋一齊就擦出火花，希望搵到真愛，佢可成日令到我笑，好sweet，又啟發我演戲嘅人。（係咪認定係男朋友？）向呢個方向進行，事情嚟得太突然，依家佢唔喺我附近我就會好掛住。」兩人拍拖只是短短數日，JC已到男友家中過夜，被問到是否認為是浪漫事？JC尷尬又怕醜地說：「我有去佢屋企，佢好浪漫，我哋一齊睇戲。」