李亞男激動瞓唔着　唔理鑽戒幾卡鎖匙扣都照嫁

「準新娘」李亞男手戴巨鑽戒指現身電視城，拍攝無綫節目《娛樂最前線》。亞男受訪時自爆被祖藍求婚後開心到失眠：「尋晚好似發緊夢，要睇番myTV重新感受！身體好攰，但唔捨得瞓，要用一星期平伏心情！」

感謝獎門人用心計劃

她Sweet爆稱要把戒指「日戴夜戴」：「尋晚瞓覺都戴住，想日日戴提醒自己已被求婚，但又驚大頭蝦整跌。」問到巨鑽戒指有幾卡，亞男笑稱即使祖藍用鎖匙扣求婚都會嫁他：「我冇問，我估三卡以上。（滿意？）已經好激動，好感動獎門人佢哋咁用心去計劃。（冇卡都照嫁？）係，佢用鎖匙扣（求婚）都嫁！」

激動不能自控

問她為何昨日於求婚期間急於除去手上戒指，亞男搞笑自爆當時不能自控：「我當時講唔到嘢，淨係諗到手上有隻我唔需要嘅戒指，而眼前有隻我需要嘅（求婚戒指）。當時好亂，祖藍好好嘢，雖然講嘢比平時窒，都可以咁理性咁求婚！」

談到婚期，亞男稱快將公布，又透露將於香港舉辦婚禮。而現場不少電視城職員恭喜亞男，並稱呼她為王太。亞男對此笑說：「都會接受，但我仲未係王太架！（婚禮由無綫直播？）咁又唔使，尋日咁史無前例，令我受寵若驚！」

不捨祖藍去內地開工

問到她被祖藍求婚後，對方即晚趕飛機到內地開工，亞男自爆不捨對方離開：「好唔捨得佢咁快返工，想繼續同佢慶祝同分享。不過佢會喺我生日時陪我，同朋友係屋企開Party！」