鍾嘉欣透視誘惑賀服務無綫十年

無綫藝員鍾嘉欣、朱慧敏、陳自瑤等到尖沙咀出席「長期服務暨傑出員工榮譽大獎」頒獎典禮，齊齊獲頒「十年服務獎」。鍾嘉欣以黃色透視裝透黑bra示人，型格之餘不失性感，對此她表示：「人生有幾多個十年，當初來港諗住兩年就捱唔住返加拿大做老師，依傢香港變咗我屋企，如果留喺加拿大我諗我會好宅，以前係啞嘅，依傢多嘢講咗好多，未來十年相信會有結婚喺裡面，再多十年我都四十啦。」

問到嘉欣會否受王祖藍在台慶向李亞男求婚影響推前婚期？她笑說：「唔會，我唔會跟風。」問到求婚是否需要驚喜，嘉欣說：「我諗冇人可以超越祖藍，我就唔好喇，係我實嚇死。」另外，無綫行政主席梁乃鵬則由方逸華頒贈「十年服務獎」。