陳凱琳帶埋阿媽同個煲赴橫店

陳凱琳（Grace）為新劇《張保仔》前往橫店取景，其母親更陪同她在當地拍攝一個月，而陳爸爸亦現身機場送兩人機，她指平日在港拍劇甚少見父母，反而今次媽咪全程跟實多時間見面，問到會否怕是悶親媽咪？她笑謂：「佢話會帶書睇吓，又話有自己嘢做，仲話可以陪我唔覺悶，佢好鍾意睇我哋拍劇、睇成個製作點樣。媽咪都帶咗個煲去，有時可以煲下湯水畀我飲。」

首次出埠拍劇的Grace表示，準備了充足的禦寒衣物：「上年去過內蒙古知道好凍，之前經歷過唔充足，今次都特登帶返多啲，有帶羽絨、羊毛襪。」她又透露劇組今次在無錫租了大船拍攝打仗大場面，相信屆時一定會濕身：「之前喺香港都經歷咗落水感覺，上到去應該都差唔多，我覺得超越咗某個溫度，好似零下40度同20度都差唔多，都係凍入骨嘅感覺。聽人講外國返嚟都會覺得差唔多，因為都係乾啲。」

Grace又指今次戲服比較薄，最怕手腳凍好辛苦：「我怕凍又怕熱，但寧願凍好過熱，熱好冇心機，反而凍皮膚質素好啲，因為熱嗰陣我好易生油脂粒。」