郭晉安陳展鵬赴馬來西亞爭視帝

藝人郭晉安（安仔）及陳展鵬等相繼現身機場，出發到馬來西亞，準備參加明日舉行《TVB馬來西亞星光薈萃頒獎典禮2014》。輕裝上陣的安仔自爆心情緊張，因他認為自己大有可能勇奪「馬國視帝」：「今次有可能。（有信心？）會有嘅。（勁敵？）好勁架個個都！」他又稱家人未有同行，因子女要上學。問到若獲獎會否與家人外遊慶祝？安仔說：「攞唔攞獎都會係新年去旅行。」

展鵬有信心再下一城

同場喜獲近廿位女粉絲到場支持的展鵬，就表示日前於《星和無綫電視大獎》稱帝，為他打下「強心針」再下一城。他說：「可以咁講，但又有人話攞咗星和就唔會再攞，（再攞視帝？）希望啦！（勁敵？）年年都有，邊個攞都開心！（有信心？）有囉！」展鵬表示時間緊迫，故昨日才張羅戰衣。他又自爆頒獎典禮過後，要即趕赴上海拍攝無綫劇集《張保仔》。