鍾嘉欣話馬來西亞比較凍！預告密實Look示人

鍾嘉欣及李詩韻等現身機場，出發到馬來西亞，準備出席明日舉行的《TVB馬來西亞星光薈萃頒獎典禮2014》。期間嘉欣自爆到時將以密實戰衣亮相：「OK緊張，帶咗條好靚嘅長袖裙過去，包到實嘅！因為嗰邊比較凍，我仲要表演唱歌，所以着得穩陣啲！（獲獎有勁敵？）個個都（表現）好好（有信心？）OK啦，抱住平常心，到時有驚喜會特別開心！」

至於詩韻就自爆將以性感靚裙「戰鬥格」示人：「心情好開心，好想食貓山王！（帶備性感戰衣？）性性哋感啦！（戰鬥格？）靚得嚟少少性感。（有信心得獎？）我淨係諗住貓山王咋！」