郭偉亮畀面王祖藍客串

音樂人郭偉亮在將軍澳電視城以評判身份錄影無綫節目《超級巨聲4》。談及早前與老婆葉佩雯以客串台慶劇《老表，你好hea！》是因為被王祖藍的誠意打動才參演：「之前同佢拍過戲，我扮Ironman，但唔記得咗叫咩名，同許冠文嗰部（電影《Delete愛人》）。當時我第一次拍喜劇搞笑，佢教咗我好多嘢，佢出到聲我就幫吓手。（都係呢個位？）係，所以都冇咩嘢做。」

問首次拍劇是否覺得好過癮？他直呼好玩：「佢哋度咗好多Script，但最後都係自己爆肚，爆肚就易演啲。（無綫叫你再拍制唔制？）睇吓係咩先，我諗我招架唔嚟，我未係一個演員。」