胡杏兒放大假諗續約問題

胡杏兒以一身賽車女郞打扮，現身電單車展。談到日前台慶夜王祖藍求婚，杏兒笑言相當羨慕準新娘李亞男：「我自己都好感動。（希望第二時都收巨鑽？）呢啲都係其次，亦未必要咁公開，最繄要係個男仔嘅心。」杏兒又為祖藍抱不平：「唔好咁陰謀論，佢好勇敢，而且當時真係最齊人嘛，timing啱啫。」

至於台慶收視一般，杏兒認為反而是好事：「公司會諗吓點做好啲，況且應該要計埋網上收視。」當再次被追問續約問題，她繼續三緘其口：「其實最遲明年年中決定，之前我開工未有坐低諗，睇吓呢個月放假可以考慮，公司點都有感情分。（趁機去旅行？）冇人陪我呀。」由於未有劇推出關係，今年頒獎禮她將「休戰」，自己則睇好佘詩曼及郭晉安「稱帝封后」。