同男友前後腳出閘　楊怡否認謙謙求婚成功

楊怡與緋聞男友羅仲謙出席完《TVB馬來西亞星光薈萃頒獎典禮2014》同機返港，但卻分開出閘，獲頒喜愛角色獎的阿怡透露已有幾個月沒有到當地，但粉絲們仍對她很好故感到很開心，更指對失落視后未感失望，她謂：「視后得一個，我志在參與！」對於有指謙仔求婚成功，阿怡笑謂：「多謝傳媒關心，婚姻係需要父母批准，我終會有日結，但唔係呢個時候，嗰日只係家姐生日，一齊去食大閘蟹啫！我有呢日一定同大家講。」

讚楊怡靚爆鏡

而已獲兩屆男配角獎的謙仔，今次卻敗給許紹雄，透露於宣布三甲時，於台下已想示意投降，還大讚對方演技好兼人氣高。談到阿怡性感亮相頒獎禮，謙仔也忍不住讚：「佢係好靚。（咁低胸喎！）都唔係呀！以前都試過啦！（出場前有冇幫手檢查？）唔使啦！女仔識架啦！」

對於有指他求婚成功，謙仔笑住否認謂：「唔係呀！傳聞啫！（有冇計劃？）自己計劃工作先，將來嘅事係要有事業支持先可以傾其他。（你都有事業啦！）希望更上一層樓。（效法蕭正楠攞視帝就求婚？）唔係，提名（有提名都求？）我係話有提名已經好開心。」