再創高峯講錯再創雄風！祖兒封林峯做男神

容祖兒以「英皇一姐」身份歡迎林峯加盟英皇大家庭，她大讚林峯在無綫是個好演員，非常捱得，當年祖兒也為無綫拍過劇，她說：「拍咗一套得番半條人命，林峯咁多年依然咁靚仔，狀態好好，係個全能藝人，到依家都唔會囂，加埋有拖拍對女友好好，古語有云，錫老婆先發達，值得參考，佢係我男神。」

講錯「再創雄風」

最搞笑祖兒祝林峯「再創高峯」時，說錯成「再創雄風」，笑爆全場，她笑說：「佢嘅雄風我未必感受到。」當她送林峯裝滿寫住「LF X EEG」紅色氣球時，再次說錯：「再創雄風。」令大家發笑。

想揭開古仔三角褲

據知祖兒將客串電影《12金鴨》演出，跟林峯會有對手戲，問兩人可有床上戲？帶病的她喪咳說：「下？我客串咋，未知，我受唔到，呢排哮喘。（試吓佢雄風？）唔使試，林峯喺機場行出嚟已雄風凜凜。」Mani在旁即糾正她笑說：「係威風凜凜呀。」

問到最想見識那位男星的「雄風」？祖兒說：「個個都想，揀個有body嘅，古仔好似好得，想知道佢三角褲下面係咪白色，哈哈，我都係講笑啫。」

衛子夫講錯老夫子

祖兒希望林峯可帶她見識電視劇，勇闖橫店，她說：「佢套老夫子好得。」其實應該是「衛子夫」，她表示自己好捱得，談到林峯一億身價做英皇親生仔，她說：「佢應該嘅。（你都有一億？）咁又冇。（你有幾億？）我有冇都要數吓，我有排先同公司約滿。」