謝婷婷唔認公主病　聖誕買定禮物畀王菲

謝霆鋒與王菲世紀復合，一直表示未見過王菲的霆鋒胞妹謝婷婷，在出席首飾活動時就表示要挑選聖誕禮物給阿菲，她說：「我知道佢哋嘅手鈪可以刻名，覺得幾有心思，所以想揀嚟送畀媽咪同阿菲。（送畀阿菲刻咩名？）或者刻佢哋兩個人嘅名。（刻阿嫂？）都好喎，不過驚嚇死佢，其實我覺得佢個名好靚。」問到聖誕有否相約阿菲見面，她說：「未知，但我自己就唔會出埠。（佢嚟香港？）係就好喇，我仲未見過佢！」以deep V示人的她，問到是否分手大解放？她笑說：「唔係，出席首飾活動，想有多啲空間show首飾。」

對於有指她跟男友戴尚安Sean分手是因為有「公主病」？她說：「每次（分手）都會有呢啲，一係話我唔好，一係話對方唔好，我自己獨立成長，唔會有公主病，不過我唔會唔開心，因為阿哥話做呢行食得咸魚抵得渴；其實之前同Sean都有討論過點樣公布分手，Sean仲話不如開記者會，但我覺得唔使啩，最後決定喺網上講。（有指你對Sean媽咪黑臉？）我同阿哥不嬲對長輩都有禮貌，我哋關係好好，我同Sean一齊嗰陣，見佢（Sean媽咪）仲多過見自己三個屋企人，而且我哋好多嘢傾，仲成日一齊上網買嘢！」她又表示祝福舊愛安志杰跟Jessica C.拍拖，有指Jessica擔心二人會復合？她笑說：「唔會啦，佢哋依家係honey moon階段，唔會理其他人。」