親認2.14結婚!祖藍發誓冇喺台慶前求過婚

20141125
東網電視
更多新聞短片
祖藍當天發誓,喺台慶前係冇求過婚!
王祖藍到尖沙咀出席有份演出電影《黃飛鴻之英雄有夢》首映,在無綫台慶成功向李亞男求婚後開始籌備婚禮,透露會在明年二月十四日情人節,於九龍城一間可容納四千人的教會行禮結婚,翌日到迪士尼筵開六十多圍喜酒,伴朗伴娘團則未定,講到婚禮要花費多少錢﹖祖藍說:「錢就唔理,最緊要另一半開心,來賓又玩得開心。」
早於七月提親
對於有指祖藍在台慶前早已求婚,他說:「我夠膽當天發誓之前係未求過婚,講呢啲嘅小朋友係唔知結婚係咩事,曾經結過婚嘅人會知道,其實唔會求咗婚先結婚。(事前有共識?)好耐之前已經同大家講已經係談婚論嫁,唔通真係求咗婚先傾結婚咩,我哋已經傾咗好多婚禮嘅嘢,但係點解一直未求婚,因為未向對方父母提親,就算我哋有共識,都先要亞男父母肯。(迪士尼一早預訂?)提親係七月嘅事,因為想保密,去到上個月好遲先訂場地,又未諗到求婚點樣可以有驚喜,所以拖到咁遲。」
提到祖藍為電影練武練足整月,但武打場面只有十秒,他說:「台上一分鐘台下十年功,佢哋練得仲耐,我唔識打,都打傷好多武師。」祖藍指相信有不少女觀眾會十分羨慕他戲中摸胸「非禮」彭于晏。」