東網電視
更多新聞短片

女神周秀娜以千萬元創建內衣王國,更希望可以五年內上市。
1/10
女神周秀娜在最新一期《好報》破「峰」出擊!本為內衣品牌代言人的她接受專訪時透露,約滿後另起爐灶成立全新自家品牌「LaaNaa」,並做埋生招牌,絕密內衣照正式曝光!
八位數創業
明年娜姐踏入30歲,在這心理關口決定豁出去,決定自組公司,建立內衣王國。據知,娜姐為圓胸圍女王夢,連老本都咬埋,斥資八位數字搞新公司,她說:「LaaNaa係我成立嘅新公司,之前幾年做過內衣代言人,同舊東家合作有聲有色,我知道內衣生意一定有得搞,今年初咁啱有人搵我投資一齊搞內衣生意,有一盤屬於自己嘅生意喎,梗係唔可以錯過呢個機會,跟住就開始籌備,年底個BB就會出世。」
八位數字着實並非少數目,辛苦錢唔易搵,她卻願意放手一博:「呢個數差唔多啦!要造貨,又要搞網絡,我哋內衣係搵美國團隊設計,之後要搵名模或女星做代言人,錢係要使!我哋嘅設計有自己特色,唔只針對亞洲女性,亦針對歐美,所以Cup Size由A到F都齊,希望全世界嘅女性都可以擁有呢份恩物。」
億元買舖
娜姐願景宏大,腹稿已有兩年及五年計劃,並非假大空,希望可以做到,她說:「頭兩年主要搞好網上市場,企穩陣腳先,兩年之後我要買舖,因為租實在太唔划算,希望可以進駐中環、銅鑼灣,依家啲舖閒閒哋都要過億,我真係要努力搵錢。」
人冇夢想同鹹魚有乜分別?
至於五年計劃,娜姐希望:「五年計劃係大想頭咗啲,但係人冇夢想同鹹魚有乜分別?我希望五年後公司可以上市,哈哈!到時愈忙愈好,亦希望自己個品牌有朝一日好似Victoria's Secert咁,係一個國際品牌,有自己嘅內衣、香水、飾物、甚至男裝……最想擁有一個屬於自己品牌嘅時裝騷!」
美胸貼士唔懶得
另外,性感女神娜姐又在專訪中,畀貼士大家如何性感,她說:「其實每個人都性感,每個女性身上都有呢一個特質,只不過係呈現嘅性感會唔同,每個人都一定有個人魅力之處,只要將長處發揮,將好處放大,隱惡揚善,就可以令人覺得你性感!」其後又醒大家美胸心得:「追求靚,一直係女仔好Focus嘅嘢,我自己都係。所以一定要好清晰知道自己屬於邊一個類型,要身體各方面都好清晰自己。美胸嘅話,女仔係要愛錫自己多啲嘅,要勤力去搽護膚品、Body Lotion同埋好好咁去愛護佢。仲有,女仔最緊要係搵到適合胸型、着得舒服嘅內衣。」

曾為內衣代言人及品牌合夥人的周秀娜深明內衣行業大有作為。

對於內衣行業的運作,周秀娜自信有一定了解,所以才會定下五年上市夢。

雖然五年上市有一定難度,但周秀娜笑言:「人冇夢想同鹹魚有乜分別?」

周秀娜透露自己成立的內衣公司最快會在年底面世。

周秀娜坦言內衣公司的目標不只是亞洲地區。

周秀娜計劃頭兩年先搞好網上生意,之後儲夠銀彈便會向中環、銅鑼灣等地舖進發。

周秀娜奉上所有開設內衣公司,目的是一圓擁有自己公司的夢想。

公司將會生產Cup Size由A到F,周秀娜希望公司可以向世界進軍。

周秀娜希望自己的品牌可以在世界各地舉行花生騷。