為何永遠放不低？晒半球黃榕狂數魏焌皓！

性感女星黃榕在九龍塘出席開幕典禮，身穿性感晚裝的她大晒半球，非常養眼。受訪時，記者大讚她搶鏡，她就笑晒口講多謝。提到有指她的無綫奀星前男友魏焌皓四處溝女，她謂：「話佢一日溝......呀，唔係，係一年裏面識咗二十個女仔，其實寫少咗佢囉！我覺得佢唔止呢個數目。（覺得有幾多？）因為自從呢單新聞之後，好多朋友同我講其實佢日日都識好多女仔。」她坦言同對方拍拖時，曾懷疑有小三、小四。問有否懷疑過自己才是小三？她認真地說：「唔出奇！本來我之前都好傷心，但其實我依家反而唔傷心，即係覺得自己已經好好彩，有新生活。」

問有否聯絡過對方？她直言：「完全冇聯絡！因為直情搵唔到佢，佢係失蹤咗，喺我生命係完全消失咗。」她更謂不想其他女生受害：「希望佢哋唔好畀人呃！（用咩伎倆呃你？）甜言蜜語，好識講說話氹人，同埋我都唔知佢咁鍾意識女人。我初時識佢覺得佢係一個好陽光、好斯文嘅男仔，我依家知道咗之後覺得自己好Lucky。」自稱現時以工作為重嘅黃榕，自爆有弟弟緣，有年輕男孩力追：「有個92年，誇張到哩！全部都係88（年）呀、90後，我唔知點解！」