再做老闆娘！王菀之天價割愛賣鎮店之寶

王菀之（Ivana）第三度榮升老闆娘，在尖東開設聖誕期限店至12月6日，售賣不少在世界搜羅的名牌服裝及精品。她說：「呢個係聖誕終極Pop Up Store，老實講我每次開店都太落心落力，日日都會喺鋪準備物品。今次第三次開，依家賣嘅都係好唔捨得拎出嚟。」

貨源總值貴變相倒蝕

她表示鎮店之寶是名牌復古扣針及復古卡通膠盒，暫列為非賣品，除非有人開出天價收購才會割愛。其中Ivana有售賣兩件男裝衫：「本來係我買畀男朋友，但佢唔啱着，問過佢，佢話唔介意畀第個男人着喎。」問到Figure王男友Eric So可有寄賣Figure，Ivana說：「冇位呀，不過有賣我哋一齊設計嘅Tee。」她又透露開第一間店以來，已賺到六位數，可是貨源總值七位數，變相倒蝕。

否認踢走薛凱琪

提到有傳她踢走薛凱琪，將擔正《新紮師妹4》，Ivana否認傳聞說：「唔係新紮師妹，點會我接拍咗都唔知呢，我係拍葉念琛嘅電影，知道係同打鬥有關，兩至三個月內會開戲，絕對唔係報道咁講。」