張繼聰喪咀王菀之唔敢諗老婆

無綫劇集《老表，你好hea！》假馬鞍山商場直播大結局，一眾演員於播畢全劇後，齊齊祝酒及為爭取頒獎禮「最佳劇集」而拉票。身在內地的蔣志光拍片分享感受，他於片中感慨廿年來未再與韋綺姍合唱，難忘因拍劇而再度合作。綺姍即灑淚當場，更獲朱咪咪拭淚安慰。之後眾人合唱一曲《舊朋友》，為劇集播映劃上完美句號。

問到在大結局中上演狂咀戲份的張繼聰及王菀之當時有否感尷尬？菀之自爆咀戲拍咗好耐：「因為導演好耐都唔嗌cut！不過我哋好熟，會度埋最靚嘅角度去拍！」而繼聰則直指咀戲「濕濕碎」，但笑言與菀之咀嘴期間未敢諗起老婆謝安琪：「幾個take加埋拍咗三分鐘，期間各自諗吓其他嘢，諗吓佢（菀之）幾時出碟。（唔諗老婆？）老婆就成日諗嘅，但拍緊諗就驚走咗戲！」他又笑稱今次拍劇獲突破：「之前我唔係感情難產，就不得善終，今次終於正常番，佢（菀之）應該封利是畀我！」繼聰又大讚結局有意思，呼籲大家心平靜氣度日。而菀之指該劇擅長以「搞gag」宣揚愛，令她感動泛淚。

談到若該劇再拍續集，二人會否參演？繼聰稱永遠願意再與該劇團隊合作，而菀之則指萬事有商量。