大陸大放性感　朱晨麗玩背的誘惑

多位無綫藝人包括徐子珊、馬德鐘、梁烈唯、苟芸慧和朱晨麗等喺四川成都出席慈善拍賣晚宴，眾星盛裝上陣，男星們着上西裝禮服，女星更無懼天氣轉涼，紛紛以性感晚裝示人，其中朱晨麗以一襲深藍色低胸長裙搶鏡，佢除咗同西裝骨骨嘅梁烈唯自拍，亦大方上載全身照大晒晚裝，佢寫到：「我喜歡乾乾淨淨不複雜的東西，這次是我第一次去四川成都，同樣有著（着）這樣感覺。」唔知佢所指「乾乾淨淨不複雜」嘅係咪自己身上嘅晚裝，網友都留言讚佢性感同好靚，不過見佢着得咁少布，都忍唔住提佢注意保暖！