研究造人計劃！長輩冇催生B

新郎哥蘇永康受訪時，透露因天氣急降，有三、四個朋友病倒而要缺席婚宴，他說：「唔知係咪天氣變問題，暫時有幾個朋友話我知，唔舒服嚟唔到，係有啲遺憾，好似化妝師Zing，希望佢哋快啲好番。（婚宴用咗幾錢？）數字就唔好講，圍數就50圍。」

問到婚後是否不設防？蘇康即問太太：「設唔設防好呢？老婆。」新娘子Anita即回答：「你話事啦。」蘇康笑說：「坦白講，佢（太太）嘅飛行里數多過我，呢件事大研究吓，隨意啦。」記者提議他叫太太飛少啲，蘇康即示意身旁的太太回應，新娘子Anita說：「希望出年多啲時間留喺香港。」蘇康就指長輩沒有催他生BB。

感激陳奕迅夫婦

蘇康感激陳奕迅夫婦作證婚人，他說：「多謝Eason同阿徐，冇佢哋大家唔可以聚首一堂，我哋係喺佢婚禮上識，兩個做證婚人已經好感動，今日Eason做咗啲平時我做嘅嘢，因為我有強逼症，會幫人抆好啲衫，Eason今日全程就係咁幫我抆，角色對換咗。」問到求婚戒多少卡？Anita說：「3卡。」至於有否After Party？蘇康說：「未諗，怕大家攰，大家唔係年輕，冇咁多精力。」