王祖藍急住結婚夾瘀指公？

藝人王祖藍除咗人氣愈來愈勁，早前又宣布明年2月15日，將會同李亞男喺迪士尼筵開60多席婚宴，日前兩人率先到樂園拍攝婚紗照，可謂情場事業兩得意，不過祖藍唔知係唔係得意忘形，去廁所時竟然唔小心夾到手指公，祖藍話：「去廁所也能把姆指夾到這樣，我真的太急了。」佢仲影低自己瘀藍嘅手指俾粉絲睇，不過佢嘅粉絲似乎都學足祖藍嘅風趣幽默，留言話佢係「王指藍」，更講笑留言：「漸指甲色，天哪，藍藍，你引導了潮流！」