胡杏兒聖誕唔孖定欣獵仔：我驚佢同我爭！

胡杏兒為聖誕活動擔任開幕禮嘉賓，席間又露兩手表演扯鈴，她透露聖誕將有機會放假，希望能與好姊妹開派對慶祝，問到有否男仔追？杏兒笑謂：「唔知喎。（叫姊妹請男仔嚟？）你幫我叫啦，其實佢哋都有介紹啲圈外朋友畀我，隨緣啦，咪次次都寫（恨拍拖）好似好鬼急咁。（唔急？）okay，但都唔細啦。」

問到有否遇上合眼緣的男士？杏兒說：「要認識吓，做吓friend先，唔係合眼緣就啱，要溝通吓，因為依家唔係細，唔係拍散拖。」記者建議她與剛失戀的胡定欣，趁聖誕一齊去玩識男仔，她笑道：「我驚佢同我爭！」並謂定欣忙於拍劇，對方現專注工作。

揚言生日有花收

杏兒又指享受買禮物的過程，以答謝身邊好友及家人，雖然她自稱送禮以實際為主，但杏兒揚言鍾意收花：「有花收吓都好，我鍾意收花。（幾耐冇收花？）唔係好耐咋，生日都有收過。（男仔送？）唔講啦。」