謝天華話太太唔肯講BB性別:我靠估

20141203
東網電視
更多新聞短片
謝天華表示太太不願透露B的性別。
藝人謝天華現身旺角電影首映,期間他更與前「風火海」成員陳小春及朱永棠齊齊合照。談到其腹大便便的妻子,天華自爆對BB性別「估估吓」:「我太太知(胎兒性別),但唔肯講我知,我靠估。(鍾意仔定女?)冇所謂啦,都去到人生一半,仲揀咩!」他又稱太太曾透露想生兩個小孩:「佢講過如果有哥哥睇住妹妹就好。(你追多個?)順其自然啦!」有報導指妻子因懷孕而暴脹,天華即出言護妻:「未見過人陀B會瘦,體重上升好正常。(報導影響太太心情?)唔會。(驚對方收唔到身?)咁多修身方法,一啲都唔擔心!」
他稱盡量向劇組請假,陪太太入產房:「預產期係農曆年,所以未知係馬B定羊B。」天華又自爆日日狂摸太太肚子:「聽太太講BB郁得好厲害。(你有冇摸佢肚?)每日摸十幾次,但我一摸佢就唔郁,好得意,唔通驚我?好神奇!」