郭晉安自爆多人撐　有信心三度封帝

藝人郭晉安（安仔）榮登馬國「視帝」後，狀態大勇的他趁機四出搵銀，亮相健康產品晚會，以擔任代言人身份繼續為自己角逐台慶頒獎禮視帝拉票：「記得投我一票！」

問是否有信心於無綫頒獎典禮中「再下一城」成為三屆封帝？容光煥發的安仔自爆「多人撐」：「我當然有信心啦！我亦知道有好多人支持我，因為佢哋上網投完票都會Send訊息畀我！但（頒獎禮）當晚一定好緊張，因為其他候選人水準都好高。信心係有嘅，但係緊張心情依然會Keep到當晚，希望自己真係可以得獎啦！」