拍劇撞板感不忿　蔡思貝從錯誤中學習

前港姐蔡思貝（Sisley）在無綫劇集《名門暗戰》飾演泰拳手，首次透過劇集亮相電視框的Sisley表示既興奮又緊張，因為作為新人，她對拍劇充滿好奇，她笑謂：「我發覺睇playback同睇剪好加埋配樂，個效果好唔同，我睇返個宣傳片先知，原來嗰日我拍咗咁多嘢，但出到嚟得兩秒！」

黎耀祥教戲獲益不少

在劇集拍攝期間，Sisley從錯誤中學習獲益良多，自言有不少撞板事件，其中一場拍哭戲之前，Sisley卻「未拍先喊」，但到真正埋位郤遭情緒溜走而深深不忿，後幸得同劇的視帝黎耀祥指點，她說：「佢同我講：『你人生流流長，你要拍喊戲仲有千千萬萬場啦！使乜咁介意啫！』又教我唔應該埋怨自己拍得唔好，只要肯定自己下次做得畀今次好就可以喇，（害怕被彈？）預咗架喇，咁彈亦都係好事，因為彈咗先知道自己有啲咩唔好！」

Sisley今次在劇中亦有不少新嘗試，除要獻上螢幕初吻之餘，更在擂台上大演床戲，不過Sisley對與蕭正楠共演吻、床戲未言緊張，她笑謂：「我信導演，因為我同佢比較熟，拍嗰時唔緊張，佢哋個個都喺度講笑，最後好輕鬆就完事，但最好笑係我拍之前去咗食泰國野，我仲專登唔食生蝦，避咗陣大蒜味，點知佢（蕭正楠）就講笑話自己特登食埋蒜頭先嚟！」