胡杏兒機場收花自爆有新「朋友」

無綫藝員胡杏兒今早現身機場，準備遠赴新加坡出席當地的粉絲聚會，與當地粉絲聚會之餘，亦同時為無綫劇《醋娘子》和《名門暗戰》作宣傳。

而最意想不到是在杏兒抵達機場時突然有工作人員送上一紮玫瑰花，更附有祝福字句：「醋娘子 杏兒 收視爆燈！揚威國際！Mr.R」令杏兒當場一臉愕然！訪問時問杏兒知否誰送的？她最初猜測R先生是阿Ron吳卓羲，她笑謂：「好奇怪呀，但佢邊會有咁好。又或者可能係啲好姐妹送，當玩吓。（係咪拍拖呀？）無無無，無啲咁嘅事，（如果係追求者送會否感動？）都感動架，但係無呢張嘢會好啲。」

驚嚇親追求者

杏兒透露最近認識了「啲」朋友，但又指自己聖誕檔期較多商演，似乎暗示沒時間培養感情。問她可有時間拍拖？她笑謂：「盡力啦！因為多狗仔隊跟呀最近。（阻住你？）唔係阻住，係驚嚇親人啫。」