黃浩然變奸仔試水溫

無綫藝員黃浩然晨咁早現身機場，浩然表示今次到新加坡之旅是一日來回，他笑謂：「好少可咁甘，本身都諗住stay多一兩日，不過就無伴，我都好enjoy大家做完嘢一齊飲嘢食嘢。」

提到無綫劇《名門暗戰》時，他就表示能夠再與之前劇集《大太監》的班底合作非常開心，而心目中的視帝人選正是《名》劇的黎耀祥，問他為何不支持自己？他謂：「要睇吓嚟緊呢段時間喇，（《名》劇中）因為我開始變奸，露出個真面目，要睇吓觀眾鍾唔鍾意，（收視滿意？）可以好啲囉，可能氣氛問題啦，不過就算有好，當然希望佢更好啦，（怕奸完返唔到轉頭？）唔會，我覺得我忠嘅一面太深入民心，希望做奸會有突破。」