陳煒為拍劇聖誕掉低老公

藝人陳煒在深水埗宣傳無綫劇《醋娘子》。全場藝員均以時裝出席，然而得煒哥以古裝現身，她就指自己剛拍攝完無綫新劇《東坡家事》後趕來，所以未換得切衫。談到《醋》劇收視一般，她確信收視率會繼續上升：「慢慢啦！唔會一下子就升十點嘅，22、23點咁慢慢上。」又指觀眾會在網上追看。

問天氣寒冷老公有否給她溫暖？她就笑言：「我有暖包，前後都有！今朝好凍，開0630！（少陪老公？）冇時間！連瞓覺都冇時間！」又指自己未知能否夠時間聖誕節陪老公：「我又唔會刻意度期，始終都係公司嘅製作進度比較重要。」而《東》劇應在農曆新年前拍完，希望之後可以趁機會與老公返美國。