台灣晒Chok爆彈結他照　王力宏宣布快出新碟

即將成為爸爸嘅台灣歌手王力宏一向有音樂才子之稱，擅長彈鋼琴、玩結他同拉小提琴，佢仲不時喺微博上載喺錄音室玩樂器嘅型仔相晒「才氣」，王力宏已有三年無出大碟，令歌迷都引頸以待，而佢最近正在努力籌備新作品當中，佢同粉絲話：「我知道你們在等待。1月1號就會給你們。」佢又分享一張彈電結他嘅相，此話一出即引起大量粉絲留言讚他，表示極之期待王力宏嘅新作，有粉絲留言話雖然期待佢嘅新作面世，但仍提醒佢最重要保重身體，亦有粉絲叮囑佢記得幫專輯改個好名！

網民有話說：

「記得給專輯起個脫俗的名字，千萬不要叫什（甚）麼王者歸來，簡直醉了！」

「我不催，不是我不著（着）急，不期待，只是想給你多一些時間籌備，不要整天整天都這麼熬夜，對我來講，你的健康是第一位的，只要你健健康康的，就會有源源不斷的新作品出世，我會一直等你！」

「我覺得專輯不是衝刺的，而是在日子中，偶然遇到一些事、一些人、一些感慨……出現的靈感，再成就的一些作品。幾年了，早做好準備不是更好，現在好像逼著（着）你交功課一樣，弄得自己那麼累！」