張敬軒期待去無綫頒獎禮：好耐冇去

歌手張敬軒出席電台頒獎禮拉票活動，問到對奪獎有否信心，他說：「歌曲獎有信心，但個人獎就冇乜，今年派咗兩首歌，都擔心播放率，同埋主要做舞台劇同演唱會，停晒啲音樂。」他透露下年主力唱片製作，希望為樂壇出一分力：「今年樂壇感覺比較淡，想做啲Crossover，可能搵薛凱琪、王菀之嗰啲，想令個氣氛好番啲。」

軒仔亦指如無意外會出席所有頒獎禮：「我好耐冇去過無綫嗰個，都好期待，其實啲頒獎禮係集體回憶，年年都會睇，無論點都會出席。」對於有指舊公司歌手將缺席無綫頒獎禮，軒仔直言：「唔出奇，但我唔太同意郁啲就反面，以前有版稅問題，其實搞到觀眾選擇少咗，歌手少咗渠道。」