鄧麗欣冧爆讚小方有善心：佢做咩我都支持

鄧麗欣（Stephy）出席十大傑青頒獎典禮晚宴，支持男友方力申獲獎，問她送甚麼禮物給小方，她說：「吓，完全無諗過送禮物，我平時好支持佢，呢份支持緊要過禮物。（你點支持佢？）佢所有工作上嘅嘢我都會支持，佢好多諗法，好似做慈善，我會喺佢背後支持佢。我哋大家都係做藝人，會分享彼此嘅意見。（咁你咪係作背後嘅女人？）我都係行出嚟嗰個。（會唔會為佢感到驕傲？）好開心，會呀會呀，佢真係好有心做慈善去幫人。佢有問我想唔想向十大傑青呢個目標進發，咁高嘅殊榮攞到當然會好開心，但唔會為咗攞獎先去幫人，做慈善要真心。（佢話要有利先結婚，你等唔等到？）我不嬲都唔急，我自己都想要有利先，大家一齊努力。」