威爆拎十大傑青！方力申等名利雙收先娶Stephy

方力申獲頒十大傑青獎項，他表示感到很開心很榮幸，他說：「呢世仔得到呢個獎好榮幸，佢總括我前半生做過嘅事，我係文化體育個組別，文化就係我嘅娛樂事業，體育就係游水，攞到獎後我要更加努力，做藝人事業愈好影響力愈大。我請咗兩圍枱嘅親戚朋友，全部都係對我成長同事業好重要嘅。好似Paco、Stephy、Mark雷、葉念森、小肥、仲有港大老師等。

問到女友Stephy是否有雙重意義，他說：「佢係我演藝事業嘅好拍檔，我為人熟悉嘅作品都同佢有關。（咁幾時結婚？）咁快？呢啲係名嚟，未有利，等埋利先，等我再努力先。（覺得自己係邊方面嘅成就獲獎？）體育上我係年青人嘅榜樣，社會服務方面，我入行14年做咗百幾個大使，喺娛樂圈都應該坐亞望冠。今年我自己主動策展咗個慈善活動，志偉（曾志偉）畀咗好大鼓勵我，大家都遇到嘅困難就係請嘉賓，佢話可能會有人懷疑我嘅動機，但要繼續堅持落去，人哋會知道我係真心做慈善去幫人。（最要多謝邊個？）咁係生我出嚟嘅爹哋媽咪。」