麥包一家大細出巡享家庭樂

藝人麥長青（麥包）今日難得放假，跟家人外出共享天倫樂。傍晚時分，麥包一家四口現身中環行街。只見麥包一家於超市掃貨後，又往專門店挑選電腦，然後滿載而歸地步出店舖。當記者上前拍照時，麥包即友善地表示：「趁今日放假咪享受家庭樂囉，加上之前同朋友Happy hour飲咗酒唔揸得車，所以叫老婆嚟幫我揸車，順便買聖誕禮物畀仔女。」其後，麥包太太前往商場櫃枱蓋停車飛，麥包則與子女於一旁默默等待。眼見麥包兩父子齊齊手指指咁研究商場的燈飾，果然十分合拍！