關楚耀與爸爸關維麟溝通少　難得合唱有火花

歌手關楚耀（Kelvin）出席慈善晚宴及慶祝Uncle Ray的90大壽時，首次與爸爸關維麟一齊表演，Kelvin透露與爸爸及泰迪羅賓帶領的Teddy Robin and the Playboys一起玩音樂時，覺得音樂人嘅仔女都好勁：「以為自己都Ok勁，原來結他手嘅仔都好勁，仲有幫其他Artist玩音樂！原來下一代都有遺傳！」

Kelvin說自己同爸爸好少溝通，故今次能夠與爸爸一齊表演非常有意義。問到爸爸可曾說自己比泰迪羅賓唱得差？他笑言：「梗係有啦！Teddy唔可以取代！」而騷前大家都練咗好一段時間，夾band時同爸爸都好有火花，以前也試過與爸爸一齊作歌，可惜因意見不合而有「抝撬」，但Kelvin表示之後都會籌備推出新碟，會找爸爸一齊合作。