霆鋒到喇！笑晒會合阿菲甜蜜回京

天后王菲現身機場，而過咗大約十五分鐘後，到謝霆鋒現身，帶上黑超冷帽嘅佢由助手兼表哥陪同下現身，一班傳媒即聞「鋒」而至。問到係咪同阿菲一齊返北京，佢心情大靚表示：「唔答啦！」問到點解尋晚唔出席劉嘉玲生日派對，佢就話：「我有嘢做，所以去唔到。」之後佢解釋因為今晚喺北京有活動，所以要飛到北京。

而有愛情滋潤嘅霆鋒，回答問題又不時甜笑，又提醒記者要小心安全，入閘離港嗰陣，仲有揮手講拜拜，Nice爆。不過對於網上流傳前妻張栢芝自殺、有財務問題等，佢就冇任何回應。