陳豪講笑搞到NG　田蕊妮不滿阻住收工

陳豪、田蕊妮、胡定欣、楊秀惠、張名雅在將軍澳電視城為新劇《鬼同你OT》進行開鏡拜神儀式。阿田表示拍攝得好開心，被充滿幽默感的陳豪引得笑不停，令到她不停NG，她說：「我通常係第一個忍唔到笑，笑到停唔到勁NG。」

阿田頒獎禮戰衣都未準備好

阿田和陳豪一樣也喜歡咖啡，她笑言可能是陳豪沖的咖啡有催笑作用，她說：「飲完阿Mo啲咖啡我覺得自己嗰啲唔好飲，佢搞到我成日笑到NG，阻住我收工，佢要包我一世咖啡。」阿田又稱對今年爭「視后」沒有壓力，因要開工連「戰衣」也未準備好。

陳豪對被指「連累」阿田NG？他則嘲笑阿田笑點太低：「我唔覺得自己搞笑，可能我傻更更咁，我覺得成日都畀人笑，其實唔關我事，係佢哋笑點太低。」講到阿田要他供應一世咖啡，陳豪說：「冇問題，咁我啲生意有着落喇，可以平啲賣畀佢。」陳豪透露最近為兒子舉行一歲生日會，招呼了大班大小朋友慶祝。

胡定欣也大讚陳豪幽默感很強，令她笑到標眼淚令化妝溶掉，要補妝補畫眼線：「真係笑到收唔到聲，OK嘅係開心嘅NG。」胡定欣自言也喜歡有幽默感的男士，因幽默感往往能緩和問題，她也學習幽默，不用太拘謹。