佘詩曼打算齋食飯：冇諗過拉票

視后大熱佘詩曼現身無綫盆菜宴。對於網上流傳得獎名單指她將登上視后寶座，她說：「唔會啦，都未截止投票！（鍾嘉欣話如果輸畀你，佢都心甘命抵？）佢都做得好好，都好多戲，大家支持啫！（會唔會喺盆菜宴拉票？）要嚟拉票架咩？我唔知喎，唔係嚟食飯咋咩？（係咪大熱唔使拉？）唔係，係我冇依個準備。（傳林峯攞最受歡迎電視男角色？）佢都好多Fans，都會投票畀偶像。（佢會唔會現身盆菜宴？）唔知呢，打畀佢問吓！」