生日願零緋聞　龔嘉欣唔急拍拖：要揀吓先

龔嘉欣出席代言美容院活動，透露剛從橫店完成劇集《張保仔》外景返港，更指於當地不停食宵夜，又度過了生日，結果腰部肥了一吋回來，故要積極到美容院做療程減磅。問到生日願望是否想拍拖，嘉欣笑謂：「梗係唔係，我都唔急，希望了解多啲揀吓先。（唔係同沈震軒拍拖咩？）沈震軒係倪晨曦架！我講緊緋聞女友位置，生日願望希望零緋聞。」

談到有指舊愛鄧健泓求婚成功，嘉欣表示會透過共同朋友送上祝福，坦言已沒有與對方聯絡，認為雙方保持普通朋友關係較好。

而黃淑儀兒子徐肇平亦有同場出現，表示將與母親返加拿大拍攝全家福，亦否認有指他拍拖傳聞。