楊怡唔投羅仲謙撐郭晉安攞視帝

無綫於電視城舉行約170圍的員工聯歡晚宴，現場大約有1800位員工出席，而不少藝員如楊怡、李詩韻、吳若希等亦現身撐場。問到入圍今年無綫頒獎典禮「最佳女主角」的楊怡是到場拉票或舉手叫投降？楊怡否認投降，但大方支持勁敵佘詩曼奪「視后」：「因為要入廠拍劇而拉唔切票。我唔係投降，但支持阿佘攞獎，佢呼聲高，當日我會着靚啲陪坐。（視后走勢一面倒？）阿佘表現標青，套劇同角色都好。今年幾開心！唔使年年你鬥我、我鬥你！」

談到她會否投票給有份角逐「視帝」的男友羅仲謙？楊怡笑言要男友繼續努力：「佢知我撐佢，但我會投畀安仔（郭晉安）。見到佢入圍已經好開心，要繼續努力！」提到無綫行政主席梁乃鵬日前表示電視台發展方向將放眼神州，楊怡直指無綫劇集能衝出香港是一件好事：「無綫有優勢，藝人又有經理人出頭，又唔使驚畀人蝦同收唔到錢。」