鄧紫棋整餅慰勞合作團隊

樂壇小巨肺G.E.M.（鄧紫棋）近日愛上整嘢食，佢趁住要去內地同以前合作過嘅團隊見面，就即刻自製餅乾慰勞佢哋，G.E.M.喺網上分享製作過程同製成品嘅相，並留言：「明早飛長沙，終於會再見到我是歌手的團隊伙伴們，所以必須凌晨趕工，在坐飛機之前完成這些曲奇餅。今年我收穫太多了，我和蜂鳥都真的對這一切非常的感激！言語無法表達的感恩，就在手工餅乾裡表達吧：）」見G.E.M.小心翼翼地將焗盤放入焗爐，盡顯廚師工架，曲奇餅無論賣相同包裝都好精美，G.E.M.仲會千里迢迢親自空運曲奇餅去長沙，相信收到嘅人一定好開心！