楊怡露背沖涼被張繼聰偷睇

藝員楊怡、張繼聰、林夏薇及楊明等在將軍澳電視城為劇集《逆戰塘西》拜神。劇中扮演馬姐的楊怡透露劇中會露背上陣，她說：「戲中講張繼聰偷睇我沖涼，所以要露背，但係唔會性感嘅。」講到張繼聰指與她合作有壓力，楊怡說：「睇過佢《忠奸人》演出，佢啲戲都好好，佢有壓力，我都有壓力呀，雖然大家合作咗唔係好耐，但係大家已經好friend，好有默契。」

林夏薇劇中飾演紅牌阿姑，劇中風騷入骨，她謂有翻看關之琳、劉嘉玲及利智的電影偷師。