貝安琪自爆有歐洲男友拍拖兩個月

名模貝安琪出席鑽飾品牌活動，她表示從洛杉磯及德國回來，並透露在德國簽了新經理人公司，問到是否到外國發展？她說：「一向都有喺歐洲拍戲，以前個經理人要結婚生仔所以冇再簽，我好明白。」至於聖誕節如何慶祝？她表示：「會拍戲中度過，喺香港同內地取景。（好dry！）會見朋友同屋企人。」記者問到「男朋友」時，她口快快自爆有新戀情：「男朋友喺洛杉磯，拍咗兩個月，係歐洲人。（歐洲人好浪漫？）都OK，係做製片同寫劇。」談到名模熊黛林透露有新戀情，對方是圈外人，問到圈外男友是否比圈內男友少壓力？她回應：「睇個人，都可以有第二啲壓力，有啲人會唔明我哋呢行嘅工作。」