洪天明仔仔肉緊啜椰青

圈中有不少星級爸媽，但並非全部也是怪獸家長，更不時與子女親子樂。近年經常在內地拍劇的洪天明，日前與太太周家蔚及快將兩歲的囝囝洪大仁駕車到九龍城行街買餸。

天明抱住囝囝落車步往到附近一間泰國食品店購物，而懷有5個多月身孕的家蔚則留在車上瞓覺休息，期間巧遇前輩秦沛，秦沛見到眼仔碌碌的大仁，忍唔住肉緊地伸手搣其面珠，期間更拿出一張紅紙（一百元）給予大仁，天明隨即教囝囝向秦沛道謝，秦沛與天明傾談幾句後便轉身離開。之後見工人姐姐買了一個椰青出來，大仁見到有嘢飲表現得相當興奮，含住支飲管起勢啜，期間天明發現記者，即教囝囝揮手Say Hi！但專心啜緊椰青嘅大仁，當然啋你都傻啦！