馬國明冇拖拍好得閒　一星期踢五日波

藝人馬國明出席活動，與球星簡東拿（Eric Cantona）同場，自言從小是曼聯粉絲的他坦言非常興奮，希望與對方集郵作珍藏，問到球技如何，他謙虛表示：「細個係校隊，不過當然冇職業球員咁勁啦，細個嘅志願係做足球員，但我媽話做足球員搵唔到食。」他自言近期未有劇開拍，故很多時間踢足球，一星期踢五天。

支持馬賽復出

談到有報道爆疑似馬賽與同性舊愛汪子琦的性事，他坦言無留意：「唔係好了解，應該問番當事人，感情嘅嘢應該大事化小。（支持佢復出？）支持，人生中有咩發生，都唔可以話唔做嘢、放棄。」至於問到馬明的感情生活，他自言「好得閒」：「唔急，（係咪之前影到同徐佳琦出街後怕咗？）唔係怕咗，我個人怕麻煩，（徐佳琦麻煩？）唔係咁嘅意思，唔好咁講！我同佢都係出過兩次街，食過兩次飯，仲要同埋幾個人。」