周秀娜露髀夜蒲買包醫肚

周秀娜近期積極打造自己作招牌的內衣王國，更豪言希望內衣王國可以在五年內成功上市，目標愈大壓力就愈大，自然就要畀自己放鬆吓舒緩壓力，啱啱係蘭桂坊就見到周秀娜同數名女友人夜蒲完係路邊等緊車，見佢面紅紅都應該飲咗唔少，係路邊企咗一陣七人車就駛到，周秀娜同助手就一齊上車走人，唔知係咪天寒地凍飲完酒特別肚餓，就連一向要保持FIT爆身材嘅周秀娜都頂唔住，要助手幫忙去附近M記買個包做消夜，周秀娜喺返到屋企嘅車程已經成功KO咗個包，落車時見有記者影相，周秀娜表示係去party度玩，食晚飯時已經開始飲酒，飲咗一晚所以面紅紅，之後周秀娜就同記者揮手道別轉身返入屋企。