郭晉安預定六位數擺視帝慶功宴

無綫一年一度台慶盛事《萬千星輝頒獎典禮2014》周一晚舉行，備受關注的視帝、視后即將出爐！視帝被視為郭晉安與黎耀祥之爭，視后則似是佘詩曼囊中物，《東網》賽前走訪超過50名藝人，各自選出視帝視后心水人選，結果郭晉安及佘詩曼成功脫穎而出！

得票率超過45%

根據投票所得，郭晉安取得超過45%選票，睇好郭晉安奪視帝的藝人包括陳敏之、呂慧儀、張國強、徐子珊、李璧琦、胡定欣、馬賽、楊怡、伍詠薇、王君馨、岑麗香、郭政鴻、敖嘉年、萬綺雯、森美、吳若希、陳明恩、沈震軒、劉佩玥、楊秀惠、羅仲謙、高海寧及佘詩曼等共23人。

其中公認好戲的徐子珊說：「佢個角色好難演，佢掌握得好好，恰到好處，同埋識佢咁耐，只知佢係好好先生，未見過佢咁奸，做得好好！」楊怡亦撐郭晉安說：「我當咗安仔係大佬，《忠奸人》拍攝時已經睇過佢演出，當時已經讚佢！」

6位數擺慶功宴

郭晉安則感謝一眾藝人票選，令他爭獎信心不斷上升，並謂已作好請食飯的心理準備：「如果真係選到，我要準備6位數大擺慶功宴，請晒《忠奸人》、《老表，你好hea！》兩組台前幕後食飯！」