佘詩曼獲65%支持奪視后

得票率超過65%的視后候選人佘詩曼，奪獎呼聲高唱入雲，包括曾志偉、岑麗香、陳嘉佳、陳庭欣、郭政鴻、敖嘉年、曹永廉、陳自瑤、李璧琦、胡定欣、馬賽、李詩韻、徐子珊、張國強、呂慧儀、陳敏之、龔嘉欣、洪天明、吳若希、森美、萬綺雯、黎耀祥、沈震軒、黃智賢、劉佩玥、羅仲謙、高海寧、麥長青、胡杏兒、郭晉安、何廣沛、蔡思貝及伍詠薇等34人，認真眾望所歸。

郭晉安黎耀祥睇好

視帝兩大熱門郭晉安及黎耀祥均投票佘詩曼，郭晉安說：「佢係大熱門、Win硬！」黎耀祥則說：「阿佘咁多年的演技大家有目共睹，今年我撐佢，投佢一票。」

扮靚出席頒獎禮

成為藝人票選視后No.1的佘詩曼，賽前不敢輕敵，她說：「視后方面真係唔敢諗，難得呢兩日係假期，可以畀我好好休息吓，之前開電影冇咩點瞓，所以趁機養足精神，打扮靚靚出席頒獎禮。喺呢行太多年，知道樣樣嘢都有變數，同埋個個對手都做得好好！」