岑麗香漫天飄雪遊車河

於加拿大長大的岑麗香，原來最喜歡聖誕節，皆因此乃童話故事及電影所描述的白色聖誕，故每年最期待這個普天同慶的節日來臨，於漫天飄雪下與家人遊車河，觀賞鄰居如何為家居布置成色彩繽紛兼充滿濃厚的節日氣氛，她笑說：「加拿大好多一排排獨立屋，經過會睇到好多聖誕燈，好靚同好溫暖，香港就冇咩呢個Feel，所以每逢呢個節日就好想返去陪屋企人，但今年唔得，因為要開工呀！」

難忘松樹香味

香香最難忘童年時，與父母到專賣聖誕節物品的市場閒逛，期間必定買一棵松樹返家：「成家人一齊揀，嗰度有好多棵，花多眼亂，好開心！但係買咗返屋企之後，一打開門就會聞到成陣松樹味，好香架！呢樣嘢喺香港難做到啲，因為屋企地方唔夠大。」